पाऊस असा रुणझुणता..

पाऊस असा रुणझुणता, पैंजणे सखीची स्मरली,
पाऊल भिजत जाताना, चाहूल विरत गेलेली ||ध्रु||

ओलेत्याने दरवळले, अस्वस्थ फुलांचे घोस,
ओलांडून आला गंध, नि:स्तब्ध मनाची वेस ||१||

पाऊस सोहळा झाला, कोसळत्या आठवणींचा,
कधी उधाणता अन केव्हा थेम्बांच्या संथ लयीचा,
पाऊस असा रुणझुणता, पैंजणे सखीची स्मरली,
पाऊल भिजत जाताना, चाहूल विरत गेलेली ||२||

नभ नको नको म्हणताना, पाऊस कशाने आला,
गात्रांतून स्वच्छंदी अन, अंतरात घुसमटलेला ||३||